Појадок. После појадокот групата се упатува кон Музејот Лувр (Musée du Louvre) каде што има двочасовна посета на музејот кој е најголемиот музеј во светот. Сместен е во Луврскиот дворец. Изграден е како утврдена палата за Филип Августус во центарот на Париз во оската на Елисејските Полиња. Средишниот двор, во кој се наоѓа Луврската пирамида изградена во 1989, служи како влез во музејот.
По посетата на музејот групата има фото пауза во Théâtre du palais royal Colonnes de Burene и јубилејната метро станица Palays Royal, направена од уметникот Othoniel за дочекот на новиот век во 2000-та година. Оттаму се упатуваме кон Операта Гарние позната и како Палата Гарние (Opéra Garnier) - оперска куќа во Париз со 2.200 места. Тоа е една од најубавите згради во Париз, дизајнирана од архитектот Шарл Гарние во необарокен стил, завршена во 1875 година. Официјалното име на операта, кое е и со златни букви испишано на фасадата е „Национална академија на музиката - Театар на операта“.
После посетата на операта Гарние се упатуваме кон квартовите Printemps и Galeries Lafayette каде што на најгорниот спрат има прекрасен панорамски поглед на градот и каде може да се седне на кафе или ручек. Слободно време за прошетка или шопинг.
Оттаму го посетуваме ѕидот „Је Т'aime“ - уметничка инсталација со стотици „Те сакам“ на сите светски јазици. Потоа се посетува населбата Montmartre каде што групата има слободно време за прошетка. Во оваа населба се наоѓаат Базилика Светото срце и плоштадчето Тертр каде што уметници ги изложуваат своите дела и цртаат портрети. Квартот е полн со ресторани, бистроа и кафулиња. Од населбата Montmartre се упатуваме и го посетуваме Moulin rouge од надвор. Потоа групата има вечерна прошетка во Латинскиот Кварт каде што има слободно време за вечера. После вечерата враќање во хотелот и ноќевање.

Појадок. После појадокот групата се упатува кон Notre Dame или Богородичната црква која е готска катедрала на источната половина на островот Сите на реката Сена во Париз, со главен влез од западната страна. Ова е катедралата на Париз и седиштето на архиепископот на градот. Богородичната црква се смета за најубавиот пример за француската готска архитектура.
После посетата на катедралата се упатуваме кон островите Saint Louis и Île de la Cité, двата природни острови во Париз во реката Сена. Овие два острови се локацијата каде е основан Париз уште во праисторијата и од каде што започнал да се шири градот. Тука е и физичката централна точка на Париз, точката од каде се мерат воздушни дистанци со другите светски метрополи. Оттаму одиме на прошетка покрај реката Сена до Градската Општина на Париз, раскошна градба која има статуи со историско значење. Тука исто така се наоѓа и плоштадот пред општинската зграда (place des grèves), кој историски е познат како „Плоштад на штрајковите“.
Слободно време за прошетка во квартовите меѓу Centre Pompidou и Les Halles, каде може да се посети познатиот музеј Georges Popmpidou (beaubourg) и/или прошетка во Les Halles (canopee) – трговски центар кој се наоѓа во близина на живописната и популарна улица Montorgueil каде има голем број на гастрономски продавници и ресторани.
Потоа се упатуваме кон Bassin de l'Arsenal, озлогласен затвор во Париз каде власта ги праќала сите неистомисленици. Во мај 1789 година почнала Француската буржоаска револуција која кулминирала на 14 јули истата година. Овој датум е прогласен за национален празник. Затворот е срушен и на тоа место денес има споменик на Bassin. На оваа локација има кварт со симпатични и стари кафулиња како Les Ferailleurs (железничари) или алтернативно готски кафулиња како што е Les Furieux (лудаци). Оттаму групата се упатува кон хотелот каде што има слободно време за одмор. Ноќевање.

Појадок. После појадокот, одјавување од собите и групата се упатува кон Триумфалната Порта, еден од главните симболи на Париз која се наоѓа на Плоштадот Шарл де Гол, исто така познат и како Плоштад - ѕвезда. Од таму се упатуваме кон улицата Елисејски полиња која е една од најпознатите улици во светот, со многу кина, кафулиња и луксузни специјализирани продавници. Улицата се протега се до плоштадот Конкорд кој e најголемиот плоштад во Париз.
После прошетката по Елисејските полиња враќање назад во хотелот. Со организиран трансфер се упатуваме до аеродромот во Париз со пристигнување три часа пред летот кој полетува во 16:35ч. и слетува во Скопје во 19:15ч.